Á dögunum unnu nemendur í 5. bekk í Grunnskóla Hornafjarðar skemmtilegt verkefni þar sem hugmyndaflug nemenda fékk að fara á flug og þau útfærðu og unnu jólaverkefni eins og þeim fannst passa. Spýturnar sem unnið var með komu frá Skinney-Þinganesi, málningin frá Málningarverslun Hornafjarðar og annað allskonar efni sem þeim hafði áskotnast, ýmist frá Hirðingjunum eða öðru fólki á Höfn.
Framtakið þykir okkur afar flott, enda alltaf gaman að búa til fallega hluti úr endurnýttu efni.
Við fengum þessar flottu myndir sendar frá Evu Ósk, verkgreinakennara í grunnskólanum sem fá að fylgja hér með.
